“Маънавият етакчиси” республика танлови ғолиблари аниқланди

💐 “Маънавият етакчиси” республика танлови ғолиблари аниқланди

✨ Жорий йилнинг 10–12-июн кунлари “Ренессанс” болалар соғломлаштириш оромгоҳида Президент, ижод, спорт, ихтисослаштирилган мактаблар ва мактаб-интернатларнинг маънавий-маърифий ишлар бўйича директор ўринбосарлари иштирокида “Маънавият етакчиси” республика танловининг якуний босқичи ҳамда семинар-тренинглар бўлиб ўтди.

✨ Танлов давомида иштирокчилар ўзларининг касбий маҳорати, лидерлик салоҳияти, маънавий-маърифий ишларни ташкил этишдаги тажрибаси ва инновацион ёндашувларини намойиш этдилар. Якунда қуйидаги иштирокчилар ғолиб деб топилди:

🥇 И ўрин — Рустамова Рушана Бахрамжоновна (Андижон шаҳридаги Президент мактаби);

🥈 II ўрин — Бегмуратова Зоя Асамаддиновна (Нукус шаҳридаги Президент мактаби);

🥉 III ўрин — Умаров Қобилжон Абдуғоппорович (Тўрақўрғон туман ихтисослаштирилган мактаби).

Уч кун давом этган семинар-тренингларда иштирокчилар замонавий лидерлик кўникмалари, нотиқлик санъати, волонтёрлик фаолияти ҳамда маънавий-маърифий ишларни самарали ташкил этиш бўйича ўз билим ва тажрибаларини бойитдилар. Тадбир якунида ғолиб ва фаол иштирокчилар тантанали равишда тақдирланди.