Qadrli yoshlar!

Qadrli yoshlar!

Barchangizni bugungi unutilmas bayram — Yoshlar kuni bilan samimiy muborakbod etaman. Sizlarning yonib turgan ko‘zlaringizni, yangilikka intilishingizni va bilimga chanqoqligingizni ko‘rib, yurtimiz kelajagi ishonchli qo‘llarda ekanidan doimo faxrlanaman.

Maktabgacha va maktab ta’limi tizimida amalga oshirilayotgan barcha o‘zgarishlar, yaratilayotgan zamonaviy sharoitlar bitta ezgu maqsadga qaratilgan. Bu — sizlarning o‘z qobiliyatingizni to‘laqonli ro‘yobga chiqarishingiz, jahon maydonida hech kimdan kam bo‘lmagan, kuchli va bilimli bo‘lib kamol topishingizdir.

Aziz yoshlar, oldingizga doim katta maqsadlar qo‘ying hamda ularga yetishish uchun doimo izlaning. O‘z kuchingizga va bilimingizga doimo ishoning, biz esa bu yo‘lda sizni qo‘llab-quvvatlashga hamisha tayyormiz.

Bayramingiz muborak bo‘lsin, hayotingizda baxt va muvaffaqiyatlar doim hamroh bo‘lsin!

Hurmat bilan,
Eʼzoza Karimova,
Maktabgacha va maktab ta’limi vaziri

✉️ Telegram 📱 Instagram 🗳 Facebook